နှာခေါင်းသွေးလျှံခြင်း (First Aid for Nosebleed)

ရှေ့သို့ကိုင်း၍ ထိုင်ပါ (Sit Upright and Lean Forward) - နှာခေါင်းသွေးယိုလျှင် ပက်လက်လှဲခြင်း သို့မဟုတ် ခေါင်းမော့ခြင်း မလုပ်ရ။ မတ်မတ်ထိုင်ပြီး ကိုယ်ကိုရှေ့သို့ အနည်းငယ်ကိုင်းကာ မေးစေ့ကို အောက်ဘက်သို့ အနည်းငယ်ချထားပါ။ ဤသို့နေခြင်းဖြင့် သွေးများ လည်ချောင်းထဲသို့ စီးဝင်ပြီး မျိုချမိခြင်းမှ ကာကွယ်ပေးသည်။

နှာနုရိုးကို ဖိညှပ်ထားပါ (Pinch the Soft Part of the Nose)- လက်မနှင့် လက်ညှိုးကိုသုံးပြီး နှာခေါင်း၏ ပျော့ပျောင်းသော နှာနုရိုးနေရာကို ၁၀ မိနစ်မှ ၁၅ မိနစ်ခန့် ကြာအောင် တစ်ဆက်တည်း ဖိညှပ်ထားပါ။ ကြားထဲတွင် သွေးတိတ်/မတိတ် သိရန် ဖိထားမှုကို ခဏခဏ လွှတ်ကြည့်ခြင်း လုံးဝ မလုပ်ပါနှင့်။ ပါးစပ်မှသာ အသက်ရှူပြီး တည်ငြိမ်စွာနေပါ။

ရေခဲကပ်ပြီး သွေးထွေးထုတ်ပါ (Apply Ice and Spit Blood)- သွေးတိတ်မြန်စေရန် နှာခေါင်းနှင့် ပါးပြင်ပေါ်တွင် ရေခဲဝတ် ကပ်ပေးနိုင်ပါသည်။ ပါးစပ်အတွင်းသို့ သွေးများဝင်လာပါက မျိုမချဘဲ အပြင်သို့ ထွေးထုတ်ပစ်ပါ။ (မျိုချမိသောသွေးသည် ပျို့အန်ခြင်းကို ဖြစ်စေနိုင်သည်)။ သွေးပြန်လျှံလာပါက နောက်ထပ် ၁၀-၁၅ မိနစ်ခန့် ထပ်မံဖိထားပါ။

အနားယူပြီး စောင့်ကြည့်ပါ (Rest and Avoid Irritation)- သွေးတိတ်သွားပါက ခေါင်းကို နှလုံးအထက် မြင့်အောင် ဆက်လက်ထားရှိပြီး (ထိုင်လျက်/မှီလျက်) အနားယူပါ။ နှာခေါင်းထဲသို့ ဂွမ်း/တစ်သျှူးများ ထိုးသိပ်ထည့်ခြင်း လုံးဝ မလုပ်ရ။ သွေးတိတ်ပြီး ၂၄ နာရီအတွင်း နှာခေါင်းကို ကုတ်ဖဲ့ခြင်း၊ ညှစ်ခြင်းနှင့် ပြင်းထန်သော လှုပ်ရှားမှုများကို ရှောင်ကြဉ်ပါ။